Aktualne:

Wosebite wustajeńcy a zarjadowanja

13.05.2012 – 16.092012 Pawoł Rota Delany – Dopomnjeće we wobrazach W lěće 2010 wundźe w Ludowym nakładnistwje Domowina kniha pod titulom “Pawoł Rota. Delany – Erinnerung in Bildern.” Wot Budyskeho fotografikarja Jürgena Maćija wudata edicija wěnuje so fotografiskemu dźěłu Pawoła Roty, kotryž so 1932 w Sernjanach narodźi. Nětko pokazuja so jeho fotografije we wobšěrnej wustajeńcy w Budyskim Serbskim muzeju. Wjace hač štyrceći lět běše žiwjenje serbskeho wučerja, redaktora, a domizniskeho slědźerja Pawoła Roty wusko z fotografiju zwjazane. Fotografowanje běše sebi jako młody wučer a redaktor awtodidaktisce přiswojił. Teritoriji skutkowanja Pawoła Roty je přehladny. Jeho zajimowaše we hłownej měrje žiwjenje w domjacych Delanach, w serbsko-katolskich wsach Ralbičanskeje wosady, do kotrychž słuša tež jeho ródna wjes Sernjany. Ze skedźbliwymaj wočomaj a ze začućom za prawy wokomik přewodźowaše Pawoł Rota přez čóčku swojeje kamery žiwjenje tule bydlacych ludźi. Z dokładnosću a swědomitosću chronisty zběra Pawoł Rota takle wobraz po wobrazu jako dźěle cyłeho, sfiksujo a zachowajo tak duch časa a nahlady a začuća ludźi. Při tym běše stajnje jedyn z nich. W tym korjeni wosebita awtentita a bliskosć jeho dźěłow.	Zadźěwk při kolesowarskim wubědźowanju foto: archiw Serbskeho instituta repro: Jürgen Matschie
Přewodźacy program Njedźelu, 13.05.2012 15.00 hodź. Wotewrjenje wustajeńcy Zawod: dr. Barbara Stempel, Lipsk Hudźbne wobrubjenje: Marhata Korjeńkowa, klawěr Zastup: bjezpłatny Njedźelu, 03.06.2012 15.00 hodź. Zjawne wjedźenje po wustajeńcy z Pawołom Rotu a awtorom wustajeńcy Jürgenom Maćijom Zastup: 5 € / potuńšene 3 € Srjedu, 20.06.2012 18.00 hodź. Zjawne wjedźenje po wustajeńcy z Pawołom Rotu a awtorom wustajeńcy Jürgenom Maćijom 19.00 hodź. Předstajenje knihi „Pawoł Rota. Delany – Erinnerung in Bildern.” a diskusijne koło wo tworjenju Pawoła Roty z awtorami knihi Moderacija: dr. Barbara Stempel, Lipsk Hudźbne wobrubjenje: Hercy Serbskeho gymnazija, Budyšin Zastup: 5 € / potuńšene 3 € Srjedu, 05.09.2012 18.00 hodź. Zjawne wjedźenje po wustajeńcy z Pawołom Rotu a awtorom wustajeńcy Jürgenom Maćijom Zastup: 5 € / potuńšene 3 €	Kowarjec mać a dźowka Herta w Sernjanach 1957 z ruku drjewo rězatej foto: archiw Serbskeho instituta repro: Jürgen Matschie
Pedagogiski poskitk Tudy smy žiwi Kotre wjeski słušachu abo słušeja do Horjan abo do Delan, su rozdźěle abo zhromadnosće? Kak běchu ludźo před někotrymi lětdźesatkamitam žiwi? W čim so žiwjenje rozeznawaše wot dźensnišeho žiwjenja? Na tute a dalše prašenja spytaja šulerjo před fotografijemi Pawoła Roty wotmołwy namakać. zakładna šula 6-10 lět, srjedźna šula / gymnazij 12 -18 lět 1 hodź.,1 € na šulerja Dźědo, wowka powědajtaj! Šulerjo přihotuja so na wopyt wustajeńcy, z tym, zo so dźěda a wowku, nana a maćerje prašeja, kak su woni swójske dźěćatstwo přežiwili. Z čim a kak so dźěći něhdy hrajkachu? Kak dyrbjachu staršimaj při dźěle pomhać? Při wobhladanju fotow Pawoła Roty spóznawaja zhromadnosće abo rozdźěle mjez rozprawami staršeju, dźědow a wowkow a swójskimi dožiwjenjemi. Na tajke wašnje hodźi so komunikacija mjez generacijemi spěchować a swójbne a wjesne stawizny spřistupnić. zakładna šula 6-10 lět, srjedźna šula / gymnazij 11-14 lět 1 hodź., 1 € na šulerja Jězba do zańdźenosće Kotre foto so mi najlěpje lubi, kotre mje najbóle jima? Šulerjo wupytaja sebi z wustajenych fotow Pawoła Roty te jim najlubše a napisaja k tomu krótku fiktiwnu stawiznu, tak, jako bychu sami w tutym času žiwi byli. Duchowna jězba do zańdźenosće zmóžni šulerjam na lóštne wašnje lokalne stawizny swojeje domizny zrozumić. srjedźna šula / gymnazij 11-18 lět 1 hodź., 1 € na šulerja Za šulerjow zwonka Budyskeho wokrjesa wučinja popłatk 2,50 € na šulerja
Zarjadowanja třećich w Serbskim muzeju 04.- 06.05.2012 20. srjedźoněmske zetkanje zběraćelow pjenjez w Hornjej Łužicy pjatk,  04.05.2012, wot 13 hodź., Muzej Budyšin, Žitne wiki 1 sobotu, 05.05.2012, wot 9 hodź., Serbski muzej, Hród 3 njedźelu, 06.05.2012, wot 9 hodź., Radnica Biskopicy Program a dalše informacije dóstanjeće pola zarjadowarja knjeza Matthiasa Kokscha, tel. 03591/480498 abo email: matthias-koksch@online.de
přichodne wosebite wustajeńcy 17.06. – 28.10.2012 zwonka nas a mjez nami instalacije, fotografije a frotaže wuměłče Susanne Krell z Bad Honnefa 07.10.2012 – 03.02.2013 Serbska hola. Na slědach holanskich Serbow 23.02. – 21.04.2013 Jutry w Serbach 12.05. – 22.09.2013 Canki, somot, parlički. Pycha narodneje drasty Serbow 13.10.2013 – 22.02.2014 Wylem Šybar – Z lubosće k domiznje